Xeberle.com xəbər verir ki, bu sözləri Sumqayıt Dövlət Dram Teatrının aktyoru, Əməkdar artist Rauf Ağakişiyev Feysbuk sosial hesabındakı paylaşımında bildirib. R. Ağakişiyev Sumqayıt Dövlət Dram Teatrına regionlarda olan digər teatrlarla müqayisədə daha az diqqət göstərildiyinə diqqət çəkib:

"Çox xahiş edirəm indi yazacaqlarımı oxuyanlar ( bəzi ağzı goycəklər) bunu paxıllıq kimi yozmasınlar. .Bilən bilir ki, mən Paytaxt teatrlarını yox ( kaş ki gedərdim heyf 30 ilimə) doğulduğum bu şəhərin teatrını üstün tutdum və 20 yaşımda bu teatra işə başladım indi artıq mənim 50 yaşım var. Uzun illər mən bu teatrın gənc aktyoru kimi geroyu olmuşam. Nə veriblərsə oynamışam, aktyor işdən çıxıb başqa teatra gedib onun obrazlarını veriblər oynamışam, aktyor obrazını doğrulda bilməyib sonradan veriblər mənə oynamışam, aktyor xəstələnib obrazını oynamışam, elə olub bir tamaşada 3 fərqli obraz oynamışam. Bir sözlə cırıq patrişkaya yamaq olmuşam... İndi mənə maraqlıdır ki, Bakının 25 km-də yerləşən, 52 yaşlı Sumqayıt teatrı , bu illər ərzində biri birindən rəngarəng tamaşaları ilə tamaşaçıların sevgisini qazanmış, Respublika və Sumqayıt şəhərinin dövlət tədbirlərində (pandemiyadan qabaq) mütəmadi iştirak edən, Azərbaycanın bu gününü, sabahını, Azərbaycan Dövlətinin qanunlarına sədaqətlə and içib, hazırladığı bütun dövlət tədbirlərində, dəfələrlə xarici ölkələrdə Azərbaycanın adını, mədəniyyətini, bayrağını zirvələrə qaldıran Respublikanın ən iri şəhərlərindən biri olan Sumqayıt teatrına biganəlik hardan qaynaqlanır? Niyə axı bu teatrın kateqoriyası regionlarda yerləşən teatrların kateqoriyasından aşağı olmalıdır? Niyə axı bu teatr diqqətdən kənar qalmalıdır? Niyə axı məhz hər il Prezident mükafatına bu teatrdan yalnız 3 nəfər təsdiq olunur, amma digər teatrlarda hər il mükafat alanların sayı artırılır? Niyə? Axı bu teatr sıradan bir teatr deyil, dərnək deyil.Bu SUMQAYIT DÖVLƏT DRAM TEATRIDIR! Özüdə sanbalı olan bir teatr. Nədir bu binəva teatrın günahı? Ona görə ki, bu teatra Ulu öndər Heydər Əliyev xeyir dua verib? Ona görə ki, ilk dəfə Respublika teatrları arasında yeganə teatrdır ki, Heydər Əliyev obrazını səhnəyə gətirib? Budur teatrın günahı? Bu nə ögeylik Sumqayıt teatrına qarşı? Kimdir günahkar? Təbii mən burda birinci növbədə teatrın rəhbərliyini qınayıram. Haqqı tələb eləmək lazımdır. Adama deyərlər sən danışmırsan, dinmirsən, tələb eləmirsən mən haradan bilə bilərəm ki, sənin teatrında vəziyyət necədir? Eybi yox bundan sonra bu tip yazılarım özü də sərt şəkildə sosial şəbəkələrdə, Prezidentin səhifələrində mən tərəfdən tez tez işıqlanacaq. Mən burda heç kimə nə söz atıram nə də qorxuduram. Bundan sonra öz haqqımı, çalışdığım teatrın haqqını özüm tələb eləyəm gərək. Necə deyərlər ağlamayana "pəpə" yoxdur.”