8 May tarixində Sumqayıt Regional Mədəniyyət İdarəsinin rəisi Rəşad Əliyev idarəyə tabeli qurumların müəssisə rəhbərlərinin iştirakı ilə onlayn müşavirə keçirib.
Müşavirədə çıxış edən rəis qeyd edib ki, Müstəqil Azərbaycan dövlətinin qurucusu, dahi siyasətçi və qüdrətli dövlət xadimi Heydər Əliyevin anadan olmasının 98-ci ildönümü ərəfəsində görüşürük.
Bizim milli sərvətimiz olan Heydər Əliyev irsi, zəngin və mənalı həyatı, Azərbaycan mədəniyyətinin, milli-mənəvi dəyərlərinin yaşadılması istiqamətində gördüyü işlər haqqında çoxsaylı tədbirlər, videoçarxlar, kompozisiyalar hazırlanmışdır.
Bununla əlaqədar olaraq, Azərbaycan dövlətini və xalqımızı zamanın ən çətin sınaqlarından çıxaran bu dahi şəxsiyyətin gənclərlə iş sahəsində həyata keçirdiyi əvəzolunmaz işlər barədə gəncləri məlumatlandırmaq, azərbaycançılıq məfkurəsini və Heydər Əliyev irsini gənclər arasında geniş təbliğ etmək, həmçinin onun təməl prinsiplərinin cəmiyyətə çatdırılması bizim müəssisələrin fəaliyyətinin başlıca məqsədlərindən biri olmalıdır.
Sonda idarə rəisi müşavirə iştirakçılarına rəhbərlik etdikləri müəssisələrdə çalışan əməkdaşların verilən tövsiyələri vaxtında və keyfiyyətlə icra etməyi tapşırıb.
Xəbərdən istifadə edərkən istinad etmək vacibdir.
