Vətənimizin təbiəti çox gözəl və rəngarəngdir. Azərbaycan Respublikasının prezidenti cənab İlham Əliyev və Birinci vitse prezident Mehriban xanım Əliyevanın göstərdikləri təşəbbüs nəticəsində şəhər və kəndlərimiz günü-gündən abadlaşır, yeni görkəm alır. Bu yerlərdən biri də Bakının Balaxanı qəsəbəsidir.
Sumqayıt Regional Mədəniyyət İdarəsinə tabeli Sumqayıt Dövlət Rəsm Qalereyasının əməkdaşları və bir qrup rəssamların bu dəfəki səfəri böyük tarixə malik olan, artıq füsunkar gözəlliyi ilə insanları valeh edən Balaxanı qəsəbəsinə olub.
Rəssamlar qəsəbənin özünəməxsus görünüşünə valeh olub, tarixi və memarlıq nümunələrini yağlı boya ilə kətan üzərində əks etdiriblər.
Azərbaycanın son dərəcə gözəl və zəngin təbiətə malik olması rəssamları daha da ruhlandırıb. Onlar növbəti səfərlərini Azərbaycanın digər gözəl guşələrində keçirməyi planlaşdırıblar.
Xəbərdən istifadə edərkən istinad etmək vacibdir.
