Nigeriyanın Laqos şəhərində Nigeriyanin müstəqillik günü ilə bağlı Banana Mədəniyyət Festivalı keçirilib.Festivalda Laqosda yaşayan müxtəlif ölkələrin (Ivory Cost, Cənubi Afrika, Pakistan, Fransa, Indoneziya , Filippin , Rvanda, Nigeriya , Kenya, Cənubi Koreya , Fransa, İtaliya, Nigeriya, Azərbaycan və s.) nümayəndələri öz xalqlarının tarix, mədəniyyət, mətbəx və musiqisini nümayiş etdiriblər.
Azərbaycanı bu tədbirdə Nigeriyada yaşayan Azərbaycanın Dostları Təşkilatının prezidenti Billurə Bayramova təmsil edib. B.Bayramova Bakıvaxtı.az-a bildirib ki, festivalda qonaqlara Azərbaycanın ləziz yeməkləri- dolma, plov, paxlava və samovarda Azərbaycan çayı təqdim olunub.
Ölkə mediasına və iştirakçılara Azərbaycanın tarixi və mədəniyyəti barəsində geniş məlumat verilib. Qonaqlara Azərbaycan mədəniyyətinin təbliği ilə bağlı Arşın Mal alan filminin digər dillərdə tərcümə edilmiş dvd - si təqdim edilib. Billurə Bayramova bildirib ki, qonaqlar arasında müxtəlif ölkələrin səfirləri, Laqosda yerləşən tanınmış şirkətlərin nümayəndələri və Nigeriyanın rəsmi şəxsləri iştirak ediblər. Onun sözlərinə görə festivalın təşkilində əsas məqsəd Nigeriyada yaşayan müxtəlif ölkələrin vətəndaşlarının öz ölkələrini təmsil və təbliğ etmək, özlərinə məxsus təamları bölüşmək, musiqi, mədəniyyəti və tarixləri barədə iştirakçılara dolğun məlumatlar verməkdən ibarətdir.
Xəbərdən istifadə edərkən istinad etmək vacibdir.
