Sumqayıt Regional Mədəniyyət İdarəsinə tabe olan Abşeron rayon Xırdalan şəhər 11 illik Musiqi məktəbinin kollektivi Gürcüstana səfər edəcək. Azərbaycan Respublikasının Gürcüstandakı Səfirliyi tərəfindən 17 oktyabr 2021-ci il tarixində Rustavi şəhərində Azərbaycan Respublikasının Dövlət Müstəqilliyinin Bərpası Gününün 30 illiyi ilə əlaqədar tədbir keçiriləcək.
Tədbir öncəsi Tbilisidəki, ümummilli lider Heydər Əliyevin adını daşıyan parkdan start götürərək, Rustavi şəhərinə qədər davam edəcək yürüşdən (marafon) sonra, Rustavi şəhərində açıq səhnədə bayram konserti təşkil olunacaq. Sözügedən tədbirdə iştirak etmək üçün digər sənətçilərlə yanaşı rəsmi dəvət alan Xirdalan şəhər 11 illik Musiqi məktəbinin kollektivi konsert proqramı ilə çıxış edəcəklər.
Xəbərdən istifadə edərkən istinad etmək vacibdir.
