Dekabrın 21-i Azərbaycan Respublikasının Prezidentinin Sərəncamı ilə əlaqədar Sumqayıt Regional Mədəniyyət İdarəsinə tabe olan N.Nərimanov adına Mədəniyyət Mərkəzində Aşıq Ələsgərin 200 illiyinə həsr olunmuş "Qüdrətli söz sərrafı” adlı ədəbi-bədii gecə keçirilib.
Gecədə idarənin rəisi Rəşad Əliyev, müəssisə rəhbərləri, incəsənət xadimləri Respublikanın Əməkdar artisti Babək Niftəliyev, tanınmış aşıq Elməddin Məmmədli, Şəhriyar Qaraxanlı, Şəhriyar Laçın Dədə Ələsgərin lirik şeirlərinə köklənmiş havaları böyük sevgi ilə səsləndiriblər.
Sonra Sumqayıt Dövlət Dram Teatrının Əməkdar artistləri İzaməddin Bağırov ( Aşıq Ələsgər) və İlahə Səfərovanın ifasında (Anaxanım) göstərilən səhnəcik və teatrın gənc rejissoru Ümid Abbasın rəhbərlik etdiyi "Dərviş” qrupunun çıxışları hər kəsin böyük marağına səbəb olub.
Xəbərdən istifadə edərkən istinad etmək vacibdir.
