İdarənin mətbuat katibi Əminəxatun Tərlan Xeberle.com-a açıqlamasında Əhməd Bakıxanov adına 1 nömrəli Uşaq İncəsənət Məktəbinin əsaslı təmirə ehtiyacı olduğunu qeyd edib: "İdarənin rəisi Rəşad Əliyev dəfələrlə məktəbə baxış keçirib və məktəbin bu günki vəziyyətindən xəbərdardır.  Ötən gün orda keçirilən tədbirdə özü şəxsən iştrak edib. Nəinki idarənin rəisi, Mədəniyyət nazirliyinin nümayəndələri də dəfələrlə məktəbdə olublar. Məktəbdə olacaq əsaslı təmir üçün baxış keçiriblər və investisiya planına salınması üçün təqdimat verilib. Növbəti illərdə məktəbdə yenidənqurma və əsaslı təmir həyata keçiriləcək".

Xatırladaq ki, sosial şəbəkələrdə məktəb binasının acınacaqlı vəziyyətdə olmasını özündə əks etdirən video yayılmışdı.