Abşeron rayon Xırdalan şəhər 11 illik musiqi məktəbi Üzeyir Hacıbəyli adına Bakı Musiqi Akademiyası tərəfindən "Təşəkkürnamə" ilə təltif edilib
Sumqayıt Regional Mədəniyyət İdarəsinə tabe olan Abşeron rayon Xırdalan şəhər 11 illik musiqi məktəbi respublikamızda fəaliyyət göstərən digər uşaq musiqi və incəsənət məktəbləri ilə yanaşı eyni zamanda ali musiqi təhsil ocaqları ilə də sıx əməkdaşlıq əlaqələri yaratmaqdadır. Uşaqların musiqi təhsilinin inkişaf etdirilməsi, onların yaradıcılıq potensialının yüksəldilməsi məqsədi ilə ölkəmizin ən ali musiqi təhsil ocağı - Üzeyir Hacıbəyli adına Bakı Musiqi Akademiyası (BMA) ilə adıçəkilən musiqi məktəbi arasında yaranmış əlaqələr bu gün də uğurla davam etməkdədir.
Məktəb kollektivi, bu il BMA-nın yaranmasının 100 illiyi ilə əlaqədar keçirilən silsilə tədbirlərdə də yaxından iştirak edərək musiqi nömrələri ilə çıxış ediblər. Yaranmış sıx əlaqələr çərçivəsində Abşeron rayon Xırdalan şəhər 11 illik musiqi məktəbi BMA-nın rəhbərliyi tərəfindən "Təşəkkürnamə" ilə təltif olunub.
Xəbərdən istifadə edərkən istinad etmək vacibdir.
