Sumqayıt Regional Mədəniyyət İdarəsinə tabe olan Qara Qarayev adına 1 nömrəli musiqi məktəbinin fortepiano ixtisası üzrə şagirdləri Bakıda keçirilən "Ümid 2022" İncəsənət müsabiqəsində qalibiyyət əldə ediblər. Şagirdlərdən Aysu Məmmədzadə 1-ci yer, Ayla Pənahova, Səid Vəlizadə 2-ci yer, Atilla Quliyev, İnci Vəlizadə isə 3-cü yerə layiq görülüblər. Adıçəkilən şagirdləri müsabiqəyə müəllimləri Esmira Əliyeva hazırlayıb.
Məktəbin digər müəllimi İradə Bədəlovanın şagirdi Solmaz Həsənzadə 2-ci yerə, Təranə Eminlinin şagirdi Zəhra Kərimova 3-cü yerə, Tamilla Qasımovanın şagirdi Nisə Məlikova isə xüsusi diploma layiq görülüb.
Sözügedən məktəbin violin şöbəsinin şagirdi Məryəm Vəlibəyova laureat adını qazanıb. Məryəmi müsabiqəyə müəlliməsi Fidan Abbasova hazırlayıb.
Xəbərdən istifadə edərkən istinad etmək vacibdir.
