"Bizi birləşdirən mədəniyyət” layihəsi çərçivəsində sərgi keçirilib
Fevralın 1-də Heydər Əliyev adına Respublika Sarayında Azərbaycan Respublikası Mədəniyyət Nazirliyi, Azərbaycan Dövlət Rəsm Qalereyasının və Heydər Əliyev sarayının birgə təşkilatçılığı ilə "Bizi birləşdirən mədəniyyət” layihəsi çərçivəsində 2 fevral Gənclər Gününə həsr olunan "AXIN” adlı sərgi keçirilib. Sərgi gənclərin cəmiyyətdəki fəallığının təmin edilməsi, istedad və bacarıqlarının üzə çıxarılması, mədəni tədbir və layihələrdə iştiraklarının dəstəklənməsi, onların bədii-estetik zövqünün formalaşdırılması məqsədilə keçirilib.
Sərginin ekspozisiyasında 40 nəfərə yaxın gənc rəssamın əsəri nümayiş etdirilib. Adı çəkilən sərgidə Sumqayıt Regional Mədəniyyət İdarəsinə tabeli Sumqayıt şəhər Bülbül adına 2 nömrəli uşaq incəsənət məktəbinin rəssamlıq şöbəsinin müəllimi Səbinə Həsənzadənin də "Aid” əsəri sərgilənib.
Xəbərdən istifadə edərkən istinad etmək vacibdir.
