Sumqayıt Regional Mədəniyyət İdarəsinə tabeli Nəriman Nərimanov adına Mədəniyyət Mərkəzində, müəssisə işçilərinin və mərkəzdə fəaliyyət göstərən kurs üzvlərinin iştirak etdiyi tədbirdə Sumqayıt şəhər Tarix Muzeyinin ekskursiya aparıcısı Nərmin Kərimli 31 Mart Azərbaycanlıların Soyqırımı Günü ilə əlaqədar mühazirə oxuyub.
Mühazirəçi çıxışında hələ XX əsrin əvvəllərindən etibarən, yəni 1918-ci ildən başlayaraq, erməni millətindən olan bolşevik Stepan Şaumyanın başçılıq etdiyi Bakı Soveti və Daşnaksütundan olan erməni birləşmələrinin silahlı dəstələrinin təkcə paytaxtda deyil, Azərbaycanın əksər bölgələrində azərbaycanlılara qarşı planlı şəkildə kütləvi qırğınlar törədərək, soyqırımı siyasətini həyata keçirtdiklərini dolğun və əhatəli şəkildə tədbir iştirakçılarının nəzərinə çatdırıb.
Sonda Mədəniyyət Mərkəzinin direktoru Samir Şəfiyev soyqırımı qurbanlarının xatirəsini bir daha anıb və mühazirəçiyə, eləcə də tədbir iştirakçılarına təşəkkürünü bildirib.
Xəbərdən istifadə edərkən istinad etmək vacibdir.
