Sumqayıt Regional Mədəniyyət İdarəsinin Nəriman Nərimanov adına Mədəniyyət Mərkəzinə tabe olan Şəhər mədəniyyət evi 15 aprel Mədəniyyət Günü ilə bağlı Novxanı sənətkarlıq klubu ilə birgə "Zəngin və qədim mədəniyyətmiz” adlı konsert proqramı təşkil edib.
Mədəniyyət Günü ilə bağlı hazırlanan videoçarxın nümayişi ilə başlanan tədbir Mədəniyyət evinin gənc müğənnilərinin ifaları ilə davam edib.
Tədbirdə Sumqayıt Regional Mədəniyyət İdarəsi tərəfindən dəfələrlə fəxri fərmanlara layiq görülən, təqaüddə olan kitabxanaçı Zərnigar Babayeva və Novxanı kəndinin mədəni həyatında böyük rol oynayan Lalə Abuzərova iştirak ediblər. Hər iki xanımın əmək fəaliyyətindən bəhs olunan videoçarx tamaşaçılara təqdim olunub.
Sonda Sumqayıt Mədəniyyət İşçiləri Həmkarlar İttifaqının sədri Şahin Şəfiyev tərəfindən xanımlara gül dəstəsi təqdim olunub.
Xəbərdən istifadə edərkən istinad etmək vacibdir.
