Xızı rayon nümayəndəliyinin nəzdində fəaliyyət göstərən rəsm kursunun şagirdi "Bir millət, iki dövlət” adlı rəsm müsabiqəsində uğur qazanıb.
Sumqayıt Regional Mədəniyyət İdarəsindən Xeberle.com-a bildirilib ki, müsabiqəyə 800 əsər qatılıb. İdarəyə tabe olan Xızı rayon C.Cabbarlı adına Mədəniyyət Mərkəzinin Şorabad qəsəbə Sənətkarlıq evində fəaliyyət göstərən rəsm kursunun üzvü M.Dadaşzadə adına tam orta məktəbin şagirdi Fatimə Həşimovanın çəkdiyi əsər Təhsil Nazirliyinin təşkilatçılığı ilə keçirilən müsabiqədə I yerə layiq görülüb.
Fatiməni müsabiqəyə Xızı rayon Mərkəzi Kitabxanasının tərtibatçı rəssamı, rəsm kursunun müəllimi Ramin Allahverdiyev hazırlayıb.
Xəbərdən istifadə edərkən istinad etmək vacibdir.
