Xeberle.com xəbər verir ki, Azərbaycan Respublikası Prezidentinin mükafatı verilənlər sırasında Sumqayıt Dövlət Dram teatrının aktyoru, Əməkdar artist Rauf Ağakişiyev də var.

Qeyd edək ki, Rauf Ağakişiyev 1972-ci ilin martın 26-da Sumqayıt şəhərində anadan olub.

O, 1993-1997- ci illərdə Azərbaycan Dövlət İncəsənət Universitetinin "Dram və kino aktyorluğu” fakültəsini bitirib. 1992-ci ilin aprel ayından Sumqayıt teatrının aktyorudur. Azərbaycan Teatr Xadimləri İttifaqının üzvüdür. 2003-cü ildə R.Ağakişiyev "Tərəqqi” medalı ilə təltif olunub.

Rauf Ağakişiyev səhnə plastikası, tərəf müqabililə düzgün improvizə qabiliyyəti ilə seçilən dramatik aktyordur. Eyni zamanda lirik-psixoloji komediya çalarları olan obrazları da məharətlə yaradır. Rauf Ağakişiyev bədii qiraət ustası kimi vaxtaşırı ümumşəhər, dövlət tədbirlərində çıxış edir.

Ölkə teleməkanının dublyaj sahəsinə də öz töhfəsini vermiş Əməkdar artist bir çox bədii filmlərdə, teleseriallarda çeşidli rollar oynayıb.