Sumqayıtdakı "28 May” Mədəniyyət evində F.Əmirov adına 5 nömrəli uşaq musiqi məktəbi "Şuşa İli” çərçivəsində "Mədəniyyət paytaxtımız” adlı hesabat konserti ilə çıxış edib.
Sumqayıt Regional Mədəniyyət İdarəsindən Xeberle.com-a bildirilib ki, konsert proqramı Vətən uğrunda canlarını fəda edən şəhidlərimizin əziz xatirəsinin bir dəqiqəlik sükutla yad edilməsi ilə başlayıb.
Tamaşaçıları musiqi məktəbinin direktoru, Əməkdar mədəniyyət işçisi Vaqif Süleymanov salamlayaraq "Şuşa İli” çərçivəsində keçirilən tədbirlər haqqında məlumat verib.
Daha sonra şagirdlərin ifasında dahi Üzeyir Hacıbəylinin "Sənsiz”, Rauf Hacıyevin "Gənclik nəğməsi”, Cahangir Cahangirovun "Qəzəl”, Süleyman Ələsgərovun "Poema”, Arif Məlikovun "İki ürəyin dastanı” baletindən "Komdenin arzuları” və Ələkbər Tağıyevin "Azərbaycan” və digər mahnılar səslənib.
Sonda Sumqayıt Regional Mədəniyyət İdarəsinin rəisi Rəşad Əliyev çıxış edərək, Prezidentin müvafiq Sərəncamına əsasən 2022-ci ilin "Şuşa İli” elan edildiyini xatırladıb, bununla bağlı çoxsaylı tədbirlərin keçirildiyini vurğulayıb. O, mədəniyyət naziri Anar Kərimovun müvafiq əmrinə əsasən tədbirlər planın təsdiqləndiyi qeyd edərək, görülən işlərin əhəmiyyətindən söz açıb.
Xəbərdən istifadə edərkən istinad etmək vacibdir.
