Sumqayıt Regional Mədəniyyət İdarəsinə tabe olan Abşeron rayon Xırdalan şəhər 11 illik Musiqi Məktəbi respublikamızda fəaliyyət göstərən digər uşaq musiqi və incəsənət məktəbləri ilə sıx əlaqələr yaradılması istiqamətində öz ənənələrini davam etdirməkdədir. Regionlararası qarşılıqlı əməkdaşlıq əlaqələri çərçivəsində musiqi təhsili sahəsinə diqqət və qayğının artırılması, onun inkişaf etdirilməsi, istedadı uşaqların aşkara çıxarılması, onların yaradıcılıq potensialının yükəldilməsi məqsədi ilə Lənkəran şəhər C.Cabbarlı adına 1 nömrəli Uşaq Musiqi Məktəbinin kollektivi Xırdalan şəhər 11 illik Musiqi Məktəbinin qonağı olub.
Tədbirdə çıxış edən Sumqayıt Regional Mədəniyyət İdarəsinin rəisi Rəşad Əliyev belə əlaqələrin yaradılmasının əhəmiyyətini xüsusi qeyd edib. Xırdalan şəhər 11 illik Musiqi Məktəbinin direktoru "Əməkdar müəllim" İkram Manafov və Lənkəran şəhər C.Cabbarlı adına 1 nömrəli Uşaq Musiqi Məktəbinin direktoru Camal Həsənov öz çıxışlarında bu əlaqələrin davamlı, uzunömürlü olacağına əmin olduqlarını bildiriblər. Sonra "Şuşa ili" çərçivəsində "Eziz Şuşa, sən azadsan!" adlı konsert proqramı təqdim olunub. Sonda xatirə şəkilləri çəkilib.
Xəbərdən istifadə edərkən istinad etmək vacibdir.
