Şən və Hazırcavablar Klubunun (ŞHK) Azərbaycan Liqasının ikinci mövsümü Heydər Əliyev Sarayında möhtəşəm tədbir ilə açılır.
"Bakı yığması”nın mətbuat xidmətindən AZƏRTAC-a bildiriblər ki, konsert aprelin 1-də, Beynəlxalq Gülüş Günündə keçiriləcək. Oğul Aleksandr Maslyakov gecənin aparıcısı olacaq. Azərbaycan Liqasının baş redaktoru Dmitri Kolçindir. "Starıy Tbilisi” (Gürcüstan), "Kembric” (Rusiya) kimi məşhur komandalar tamaşaçıları xüsusi qonaqlar qismində sevindirəcək. Gözlənildiyinə görə, Belqoroddan son dərəcə populyar "DALS” komandası tədbirə qatılacaq. Azərbaycanın ən adlı-sanlı komandası, Premyer-liqanın iştirakçısı "Bakı yığması” tamaşaçıları müsabiqədənkənar çıxışı ilə sevindirəcək.
Konsert Gənclər və İdman Nazirliyi və Rusiyanın Azərbaycanlı Gənclər Təşkilatının (AMOP) dəstəyi ilə keçiriləcək.
Qələbə və ŞHK-nın Azərbaycan Liqasının əsas Kuboku uğrunda həm yerli, həm də ki əcnəbi komandalar mübarizə aparacaqlar: "Çak Norris” "Kuraj”, "Miraj”, BDU, "Kapital Yumora” , "Baksovet” (Dövlət İdarəçilik Akademiyası), "Olimpiyskaya Sbornaya” (Bakı), "Wall Street” (Azərbaycan Dövlət İqtisad Universiteti), Sumqayıt yığması, Gəncə yığması (hamısı Azərbaycan), Yessentuki şəhərinin yığması (Rusiya), "TexNAR- Politex” , "Kapital” (Qazaxıstan), "Maşa +Saşa” (Rusiya), "Sbornaya Tbilisi” (Gürcüstan) və başqaları.   (azertag.az)