Azərbaycan Respublikası Elm və Təhsil Nazirliyinin 8 noyabr Zəfər Gününə həsr olunmuş "44 gün” adlı respublika yaradıcılıq müsabiqəsinə yekun vurulub. Yarış 2 yaş qrupunda (9-12, 13-14 ) və 2 nominasiya (təsviri sənət və dram (mono-səhnə)) üzrə keçirilib. Müsabiqədə Dram (mono-səhnə) nominasiyası üzrə 43, Təsviri sənət nominasiyası üzrə 63 uşaq iştirak edib. Sumqayıt Regional Mədəniyyət İdarəsinə tabeli Cəfər Cabbarlı adına Xızı rayon Mədəniyyət Mərkəzinin Şorabad qəsəbə Sənətkarlıq evinin rəsm kursunun şagirdi Aylin Yarbala qızı Zeynallı "Gözəl Şuşa" adlı əl işi ilə III yerə layiq görülüb. Mütəxəssislərdən ibarət münsiflər heyəti - Azərbaycan Rəssamlar İttifaqının üzvü Fikrət İbrahimov, Azərbaycan Respublikasının mədəniyyət işçisi, Prezident Mükafatçısı İftixar Piriyev tərəfindən müsabiqənin qalibləri müəyyənləşdirilib.
Xəbərdən istifadə edərkən istinad etmək vacibdir.
