Sumqayıt Regional Mədəniyyət İdarəsinin rəisi Rəşad Əliyev Sumqayıt Dövlət Rəsm Qalereyasında rəssamlarla görüş keçirib.
Rəşad Əliyev "Şuşa ili çərçivəsində” çeşidli əsərlər yaradan rəssamların sərgisində dəfələrlə iştirak edib, onlarla görüşüb, öz tövsiyələrini verib. Rəssamların çəkdiyi əsərlərdə yurd sevdasının, istiqlal sevincinin, vətən sevgisinin, milli mücadilə gücünün rənglərdə təzahürü hər kəsi duyğulandırıb. İdarə rəisi bu işlərin mütəmadi davam edəcəyini vurğulayıb və incəsənətin milli-mənəvi dəyərlərindən danışıb. R.Əliyev rəssamlarla fikir mübadiləsi zamanı istedadlı rəssam, Azərbaycan Rəssamlar İttifaqının üzvü, sənətşünaslıq üzrə fəlsəfə doktoru adını alan Nəsibə Şükürovanı bu münasibətlə təbrik edib. O, Rəssamın öz sahəsində nəzəri fundamental məsələlərlə maraqlanması, araşdırmalar aparması onun yaradıcılıq palitrasının daha da zənginləşdirdiyini qeyd edib. Sonda rəssamlara təşəkkürünü bildirən Rəşad Əliyev onlara yeni-yeni yaradıcılıq uğurları arzulayıb.
Xəbərdən istifadə edərkən istinad etmək vacibdir.
