"Burun çəpər əyriliyi yetərincə yayılmış haldır və çox vaxt tənəffüslə bağlı bir narahatlıq və ağırlaşmalara səbəb olmur. Lakin bir sıra hallarda tənəffüs olunan hava axınının hərəkətində xəta və burun tənəffüsü pozuntusu baş verir ki, bu da bir sıra fəsadlara yol aça bilər. Burun çəpər əməliyyatı və ya septoplastika – burun çəpəri formasının düzəldilməsi məqsədilə həyata keçirilən əməliyyatdır. Normal çəpər burunu iki bərabər simmetrik hissəyə ayırır. Əyilmə zamanı burun çəpəri əyilir, ya da mərkəzi vəziyyətindən xeyli yan durur. Əgər burun çəpəri əyriliyi burun yollarını (girişlərini) tutursa, septoplastika aparılır”.
Bunu Xeberle.com-a açıqlamasında Doktor.az klinikasının lor cərrahı, rinoplastik İlham Ağayev deyib.
Bəs burun çəpər əməliyyatı necə keçir?
İlham Ağayevin sözlərinə görə, əməliyyat yerli və ya ümumi narkoz altında aparılır və yarım saatdan 2 saatadək çəkir: "Kəsik burun daxilində icra edilir və bu, hansısa görünən əməliyyat izlərindən qaçmağa imkan verir. Əməliyyatdan sonra girişlərə xüsusi burun tamponları yerləşdirilir. Buruna isə fiksəedici məxsusi sarğı qoyulur.
Reabilitasiya (bərpa) dövrü.
Burun ceperi emeliyyatindan sonra sağalma dövründə burun yolları tamponlar vasitəsilə tutulur. Tamponlar əməliyyatdan sonra qanaxma ehtimalını azaldır və burun septumunun mövqeyini sabitləşdirir. Onlar çıxarıldıqdan sonra aşağıdakılara riayət etmək mütləqdir: • Fiziki hərəkətləri mümkün qədər məhdudlaşdırmaq; • İsti içkilərdən çəkinmək; • Siqareti dayandırmaq; • Bir neçə həftə ərzində saunaları, hamamları, isti vannaları və s. istisna etmək”.
Xəbərdən istifadə edərkən istinad etmək vacibdir.
