Sağlam bədənə sahib olmaq üçün sağlam qidalanma vacibdir. Bədənin zülal ehtiyacını ödəmək, kalsium və B12 səviyyəsini artırmaq üçün bəzi qidaların istehlakını artıra bilərsiniz.
"Unikal" ən güclü B12 mənbəyi olan qidanı təqdim edir:
Kəsmik evdə asanlıqla hazırlana və gündəlik pəhrizə daxil edilə bilər. Adətən südün limonla və ya başqa turşulu maddə ilə çürüdülməsi ilə hazırlanır. Kəsmik zülal, B12 vitamini və kalsiumla zəngindir. O, sümük və əzələ sağlamlığını dəstəkləyir, beyin funksiyalarını yaxşılaşdırır, probiyotiklərlə bağırsaq sağlamlığını dəstəkləyir və qan şəkərinin səviyyəsini tənzimləməyə kömək edir. Onun bir çox faydaları vardır:
- Sümük sağlamlığını qoruyur
Digər süd məhsulları kimi kəsmik də sümük sağlamlığını yaxşılaşdırmağa kömək edir. Hazırlandığı süddən asılı olaraq onun yağlılıq faizi dəyişə bilər. Aparılan araşdırmalara görə, bir stəkan az yağlı kəsmik gündəlik protein qəbulunun 48%-ni və gündəlik kalsium qəbulunun isə 23%-ni təmin edir. Onun tərkibində sümüklərin və dişlərin möhkəmlənməsinə kömək edən fosfor var.
- Əzələləri inkişaf etdirir
Kəsmik yüksək keyfiyyətli protein mənbəyidir, o, sümük və əzələ sağlamlığınızı gücləndirməyə kömək edə bilər.
- Beyin sağlamlığını qoruyur
Müntəzəm olaraq kəsmik istehlak etmək beyin sağlamlığını qoruyur, çünki onun tərkibində sağlam beyin funksiyalarını dəstəkləyən yüksək miqdarda B12 vitamini var. 
- Bağırsaqların yaxşı çalışmasına yardımçı olur
Kəsmikdə sağlam bakteriyalar olan və bağırsaq mikrobiomunu yaxşılaşdıran probiyotiklər var. Yoğun bağırsaqlarımızda trilyonlarla mikroorqanizm yaşayır və onlar həzmimiz, beyin sağlamlığımız və immunitetimiz üçün vacibdir.
- Qan şəkərinin yüksəlməsinin qarşısını alır
Kəsmik diabet xəstələri üçün ideal səhər yeməyi hesab olunur, çünki tərkibində olan yüksək protein qan şəkərinin səviyyəsinin qarşısını almağa kömək edir. Kəsmiyin yeməkdən sonra qan şəkərinin səviyyəsini aşağı saldığı sübut edilmişdir.

Xəbərdən istifadə edərkən istinad etmək vacibdir.