Bir müddət öncə, Sumqayıtda fəaliyyət göstərən "Ümid Klinikası” MMC-yə inzibati protokol yazıldığı barədə məlumat vermişdik.
Pravda.az xəbər portalında yayımlanan məlumata görə, protokol müvafiq qurum tərəfindən İnzibati Xətalar Məcəlləsinin 215.4-cü (Qanunvericiliyə uyğun olaraq sertifikasiyadan keçməyən şəxslərin (işçilərin) praktik tibb və əczaçılıq fəaliyyətinə buraxılmasına görə vəzifəli şəxslər səkkiz yüz manatdan min manatadək məbləğdə, hüquqi şəxslər altı min manatdan səkkiz min manatadək məbləğdə cərimə edilir) maddəsinə əsasən tərtib olunub.
"Ümid Klinikası” MMC-dən Xeberle.com-a bildirilib ki, hakim Günel İsmayılovanın sədrliyi ilə baxılan prosesdə iş üzrə icraata inzibati xəta olmadığından xitam verilib.
Klinika tərəfindən məhkəmə qərarı Xeberle.com-a təqdim edilib.
Elşən Yəhyayev
Xəbərdən istifadə edərkən istinad etmək vacibdir.
