"Fevralın 15-dən etibarən 20 minə yaxın uşaq Azərbaycana yeni gətirilən inaktivləşdirilmiş poliomielit peyvəndi ilə əhatə olunub”.

Bu sözləri Modern.az-a açıqlamasında Səhiyyə Nazirliyinin Respublika Gigiyena və Epidemiologiya Mərkəzinin (GEM) direktor müavini Afaq Əliyeva deyib.

O qeyd edib ki, səhiyyə nazirinin 7 saylı əmrinə əsasən, Azərbaycanda fevralın 15-dən etibarən yeni peyvənd-inaktivləşdirilmiş polimelit vaksini tətbiq edilir.

"Həmin müddətdən bizə verilən hesablamalara görə, 2 ay yarım ərzində 20 minə yaxın uşaq bu peyvəndlə əhatə olunub. Valideynlər tərəfindən də çox rahatlıqla qəbul olunur.

Oral polimelit vaksini ilə yanaşı, 6 aylığı tamam olmuş uşaqlara inyeksiya vasitəsilə vurulur. Damcı tərəfindən yaranan immuniteti bir az da gücləndirəcək”.

A.Əliyeva  bildirib ki, peyvəndin istifadə olunduğu müddət ərzində uşaqlarda heç bir əks reaksiya müşahidə edilməyib. Fevralın 15-dən etibarən 6 ayı tamam olacaq uşaqlara 1 doza həcmində inaktivləşdirilmiş poliomielit peyvəndi vurulur. Hollandiya istehsallı peyvənd 5 dozalı flakonda qablaşdırılıb.

Vaksini "Bilthoven Biologicals" şirkəti hazırlayıb.