Sumqayıt şəhərində fəaliyyət göstərən "Əlilliyi Olan Şəxslərin Sosial Müdafiəsinə və İnteqrasiyasına Dəstək” İctimai Birliyi (ƏSMİD) və Unikal klinikasının dəstəyi ilə "Ramazan” bayramı ilə əlaqədar "Sağlamlığımızı Qoruyaq” adlı xeyriyyə aksiyası keçirilib. Aksiyada sağlamlıq imkanları məhdud şəxslərin təmənnasız tam tibbi müayinəsi təşkil olundu. Xeyriyyə aksiyasından 30-a yaxın əlilliyi olan şəxslər faydalanaraq pulsuz tam tibbi müayinədən keçiblər. Müxtəlif xəstəliklərlə əlilliyi olan insanların yüksək səviyyədə müayinəsi həmin insanlarda həyata inam hissinin artırdı. Onlardan müalicəyə ehtiyacı olanların bir qismi həkim terapevtin yoxlanışından keçərək,ambulator müalicəyə göndərildi. Tədbiri giriş sözü ilə açan "Əlilliyi Olan Şəxslərin Sosial Müdafiəsinə və İnteqrasiyasına Dəstək” İB rəhbəri Səbinə Kərimova cənab Prezident İlham Əliyevin tapşırıq və tövsiyəsinə uyğun olaraq əhalinin sağlamlığının qorunması üçün bütün Respublikada əhali tibbi müayinə olunur. Bu vaxta kimi 5 milyondan çox insan müayinədən keçib. Buna dəstək olaraq biz də Unikal klinikası ilə birgə belə aksiyanı təşkil etdik. Əlilliyi olan şəxslərə qarşı diqqət və qayğının vacibliyindən danışaraq, gələcəkdə bu aksiyanın daha geniş formada keçiriləcəyinin planlaşdırıldığını vurğuladı.
Xəbərdən istifadə edərkən istinad etmək vacibdir.
