Dekabrın 5-də SOCAR-ın "Azərikimya” İstehsalat Birliyində "Hemofiliya və talasse-miyadan əziyyət çəkən uşaqlara qayğı” Dövlət Proqramı çərçivəsində talassemiyalı xəstələr üçün 2010-cu ildən bəri hər ilin dekabr ayında keçirilən növbəti qanvermə aksiyasıva start verilib.

Qurumdan Xeberle.com-a verilən məlumata görə, "Azərikimya” İB-nin dəvəti ilə Səhiyyə Nazirliyinin B.Eyvazov adına Elmi Tədqiqat Hematologiya və Transfuziologiya İnstitutunun Mərkəzi Qan Bankı tərəfindən ezam olunmuş 12 nəfərlik xüsusi tibb briqadası tərəfindən aparılan və 3 gün davam edən qanvermə aksiyasının ilk günündə Birliyin Etilen-polietilen zavodun Etilen istehsalatından könüllü müraciət etmiş 130 kimyaçı müayinə edildikdən və yerindəcə təşkil olunmuş səyyar laboratoriyada yoxlanıldıqdan sonra onların 51 nəfərindən qan götürülüb.

Aksiyasının ikinci günündə isə Polietilen istehsalatında olan tibb briqadası burada müraciət etmiş 115 kimyaçının 39-dan qan götürüb. Aksiyanın üçüncü günündə - dekabrın 7-də isə "Azərikimya” İB-nin baş ofisinin və Təmir-tikinti İdarəsinin əməkdaşları minlərlə insan üçün həyati əhəmiyyət kəsb edən bu könüllü hümanitar aksiyada iştirak etmiş və 61 nəfər işçi qan vermişdir. Bununla da üç gün ərzində "Azərikimya” İB üzrə 151 nəfər kimyaçı bu xeyirxah aksiyada iştirak edərək, hemofiliya və talassemiyalı xəstələr üçün qan verib. Qanvermə aksiyasında "Karbamid” zavodunun bir qrup əməkdaşı və respublika Qızıl Aypara Cəmiyyəti Sumqayıt şəhər bölməsinin könüllüləri də də iştirak edib.