Aşura günü ilə əlaqədar olaraq bu gün Azərbaycanın müxtəlif məscidlərində qan vermə aksiyası keçirilib. Sumqayıt Cümə Məscidində də analoji aksiya təşkil olunub.
Sumqayıt şəhər Səhiyyə şöbəsinin müdir müavini Bərxudar Məmmədov Xeberle.com-a bildirib ki, hər il olduğu kimi bu gün də qan vermə ilə bağlı Sumqayıtda insanlar fəal iştirak ediblər: "Həm bizim, həm də Qan Bankının Sumqayıt filialı tərəfindən qan vermə aksiyası təşkil olunub. Qan verməyə gələn insanların qanları əvvəl terapevt, sonra isə laboratoriyada yoxlanılıb. Qanların hansı yararlıdırsa, xəstəliyi yoxdursa onlardan qan götürülüb".
B.Məmmədov qeyd edib ki, qan vermək üçün müraciət edənlərin 180 nəfərindən qan götürülüb. Qan verənlər arasında isə daha çox kişilərə rast gəlinib. Toplanan qan əsasən talassemiya və qan xəstəliklərindən əziyyət çəkənlərə veriləcək.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
