Xeberle.com-un məlumatına görə, hesabat yığıncağında ötən il ərzində əldə edilmiş nailiyyətlər və uğurlardan danışılıb. Bildirilib ki, 2018-ci il şəhər üçün uğurlu olub və bir sıra yeni istehsal müəssisələri istifadəyə verilib, yeni iş yerləri açılıb.

Sumqayıt şəhər İcra Hakimiyyətinin başçısı çıxışında uğurlarla yanaşı, bir sıra çatışmazlıqlardan da danışıb. Z. Fərəcov Sumqayıtda uçotda olan vərəm xəstələrinin statistikasına diqqət çəkərək bu sahədə bir sıra problemlərin olduğunu yığıncaq iştirakçılarının diqqətinə çatdırıb. İcra başçısı aidiyyatı qurumlara göstəriş verərək şəhərdə fəaliyyət göstərən bütün iaşə obyektlərində, o cümlədən restoran, kafe, şadlıq sarayları və gözəllik salonlarında çalışan işçilərin tibbi müayinədən keçirilməsinin vacibliyini vurğulayıb. Şəhər rəhbəri bununla bağlı aidiyyatı qurumlara müvafiq tapşırıqlarını verib: "Vərəm dispanserində yoxlanışdan keçməyən yüzlərlə şəhər sakini var. Tapşırıq vermişəm ki, bu obyektlərdə çalışan insanlar mütləq şəkildə tibbi müayinədən keçməlidirlər. Ola bilər ki, elə o şəxslərin bəzilərində vərəm xəstəliyinin izləri var və onlar vasitəsilə də bu xəstəlik digər insanlara keçir. 

Qeyd edək ki, Sumqayıtda qeydiyyatda olan 416 nəfər vərəm xəstəsi var.