Ölkəmizdə həyata
keçirilən əhalinin tibbi dispanserizasiyası çərçivəsində Sumqayıt şəhərinin səhiyyə müəssisələrində fevralın 12-dən martın 27-dək 112582 nəfər
müayinə olunub.
Bu barədə Xeberle.com-a Sumqayıt şəhər səhiyyə şöbəsinin müdir əvəzi
Səkinə Sadıxova məlumat verib. O, həmçinin bildirib ki, aksiyanın
mütəşəkkilliyini təmin etmək üçün lazımi tədbirlər görülüb: "Tibbi
müayinələr zamanı həkimlər tərəfindən profilaktik baxış keçirilir, sağlamlığa
dair məlumatlar və xəstəliklərə səbəb olan risk faktorları ilə bağlı tövsiyələr
verilir. Xəstəliklər aşkar olunduğu halda pasiyentlər ambulator, zərurət
yarandığı halda isə tibb müəssisələrində stasionar əlavə müayinə və müalicəyə
cəlb olunurlar.”
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
