Son vaxtlar dünyanı cənginə alan "Ebola" virusunun Azərbaycanda da yayıla biləcəyi ilə bağlı narahatçılıqlar müşahidə olunur. Bəs Sumqayıtda bununla bağlı hansı tədbirlər görülür?
Məsələ ilə bağlı Sumqayıt şəhər Səhiyyə Şöbəsi ilə əlaqə saxladıq. Şöbədən bildirdilər ki, nazirlikdən Ebola virusu ilə əlaqədar olaraq nəzarətin gücləndirilməsi barədə əmr daxil olub.
Şəhərin baş pediatrı, əməkdar həkim Xalidə Quliyeva: "Nazirlikdən gələn əmrdə bildirilir ki, Ebola ilə bağlı nəzarət gücləndirilsin, xaricdən gələn vətəndaşlar nəzarətə götürülsün, xəstəliyin hansısa əlamətləri hiss olunarsa, müayinələr aparılsın. Ancaq deyim ki, Sumqayıtda narahatlıq doğuracaq heç bir halla rastlaşmamışıq”. (168saat.com)
Xəbərdən istifadə edərkən istinad etmək vacibdir.
