Bölgələrə səyahət zamanı şagirdlər ölkəmizi daha yaxından tanıyırlar.
Bu sözləri Sumqayıt şəhərindəki 23 nömrəli tam orta məktəbin IX sinif şagirdi İnarə Abdullayeva AZƏRTAC-ın bölgə müxbirinə verdiyi müsahibəsində deyib.
İ.Abdullayeva deyib: "Cənub bölgəsi ilə tanışlığımız Lənkərandan başlandı, Masallı və Astara rayonlarına səyahətlə davam etdi. Təəssüratımız olduqca zəngindir. Ölkəmizin iqtisadiyyatı gücləndikcə regionların sosial siması da dəyişir. Rayonlarımıza şəhər mədəniyyəti gəlib. Səyahət etdiyimiz hər üç rayonda bunun şahidi olduq.
Biz cənub bölgəsinin görməli yerlərinə səyahət etməklə yanaşı, asudə vaxtlarımızda müxtəlif əyləncəli proqramlarda, bilik yarışmasında iştirak etdik. Necə deyərlər, darıxmağa vaxtmız yox idi. Özümüzü burada evimizdəki kimi hiss edirdik. Hər şey əla idi. Bizə bu imkanı yaradanlara "Çox sağ olun!” deyirik”.
Xəbərdən istifadə edərkən istinad etmək vacibdir.
