"Təəssüf ki, bəzi şəxslər vəziyyəti ağırlaşdıqdan sonra xəstəxanaya müraciət edir ki, bu da müəyyən çətinlik yaradır.”
Xeberle.com xəbər verir ki, bu sözləri Sumqayıt şəhər Səhiyyə şöbəsinin müdiri Səkinə Sadıxova açıqlamasında Sumqayıt şəhərindəki son vəziyyəti şərh edərkən deyib.
S.Sadıxova bildirib ki, hərarəti olan və digər kliniki əlamətləri olan şəxslərin xəstəxanaya vaxtında müraciət etməməsi bir çox hallarda xəstələrin ağırlaşması ilə nəticələnir. Bütün hallarda hərarətli və klinik əlamətləri olan şəxslər dərhal müraciət etməlidirlər.
Onun sözlərinə görə, Sumqayıt şəhərindəki xəstəxanalarda əhaliyə keyfiyyətli tibb xidmətinin göstərilməsi üçün hər cür şərait mövcuddur:
"Öskürək, boğaz ağrısı, baş ağrısı, yüksək hərarəti olan şəxslər dərhal Təcili Tibbi Yardım stansiyalarına, Sumqayıt şəhər bir nömrəli xəstəxananın yolxucu xəstəliklər şöbəsinə, sahə həkimlərinə telefon vasitəsi ilə müraciət etməklə xəstəliyin gedişatının yüngül keçməsinə nail ola bilərlər.
Artıq "qaynar xətt” vasitəsi ilə də şəhər sakinləri bizə müraciət edə bilərlər. "65-5-76-41 "qaynar xətt” nömrəsi 24 saat ərzində əhalinin xidmətindədir. Bir daha şəhər sakinlərini vaxtında bizə müraciət etməyə səsləyirik".
Xəbərdən istifadə edərkən istinad etmək vacibdir.
