Sumqayıtda yeni növ koronavirus
infeksiyası ilə mübarizə tədbirlərində iştirak edən tibb işçilərinə ödənilən müddətli
əlavələrin məbləği açıqlanıb.
İcbari Tibbi Sığorta Agentliyindən Xeberle.com-a verilən
eksklüziv açıqlamada bildirilib ki, agentlik tərəfindən Sumqayıtda yerləşən
tibb müəssisələrinə mart ayı üzrə 91 nəfərə 64 min 076 manat 05 qəpik, aprel
ayı üzrə 511 nəfər 759 min 106 manat 83 qəpik, may ayı üzrə 495 nəfərə 784 min
386 manat 55 qəpik müddətli əlavə ödənilib.
Ümumilikdə 3 ay ərzində Sumqayıtda fəaliyyət göstərən tibb
işçilərinə 1 milyon 607 min 569 manat 43 qəpik vəsait ödənilib.
Xədicə Səxavətqızı
Xəbərdən istifadə edərkən istinad etmək vacibdir.
