"Görülən
tədbirlər nəticəsində Sumqayıtda koronovirus infeksiyasına yoluxanların sayı 3 dəfəyə yaxın azalıb. Müqayisə üçün deyə
bilərəm ki, 15 gün öncə şəhər xəstəxanasında 360 xəstə müalicə alırdısa, bu
gün artıq onların sayı 260-dır. Həm xəstəxanaya daxil olan yoluxma
sayı azalıb, həm də evə yazılanların arasında yüksək dinamika müşahidə olunur”.
Bu
sözləri Xeberle.com-a açıqlamasında Sumqayıt şəhər Səhiyyə şöbəsinin müdiri
Səkinə Sadıxova deyib. S. Sadıxova qeyd edib ki, reanimasiya xidmətinin
keyfiyyəti artırılıb və Rusiyadan gələn reanimotoloqlarla birgə çalışan yerli həkimlər
çox müsbət nəticələr əldə edib.
Səhiyyə
şöbəsinin müdiri son 2 ay ərzində qəbul edilən xəstələrin sayını da açıqlayıb: "İki ay ərzində 1477 xəstə qəbul etmişik, 1077
xəstə tam sağalaraq evə yazılıb. Bu isə o deməkdir ki, vaxtında müraciət edən
xəstə sağalaraq evinə gedir. Sumqayıt şəhər əhalisinə çağırış edərək bildirmək
istəyirəm ki, vaxtında xəstəxanaya, ərazi üzrə tibbi poliklinikalara müraciət
etsinlər. Belə olan halda vaxtında müalicə alıb, sağala bilərlər”.
Xədicə Səxavətqızı
Xəbərdən istifadə edərkən istinad etmək vacibdir.
