Baş Nazir Əli Əsədov tibb işçilərinin əməkhaqlarına müddətli əlavənin ödənilməsi vaxtını oktyabrın 1-dək uzadıb.Xeberle.com xəbər verir ki, qərara əsasən, "Yeni növ koronavirus (COVID-19) infeksiyası ilə mübarizə tədbirlərində iştirak edən tibb işçilərinin əməkhaqlarına müddətli əlavənin müəyyən edilməsi barədə” Azərbaycan Respublikası Nazirlər Kabinetinin 2020-ci il 25 mart tarixli 112 nömrəli Qərarının (Azərbaycan Respublikasının Qanunvericilik Toplusu, 2020, № 3, maddə 373; Azərbaycan Respublikası Nazirlər Kabinetinin 2020-ci il 12 iyun tarixli 202 nömrəli Qərarı) 2-ci hissəsində "iyulun 1-dək” sözləri "oktyabrın 1-dək” sözləri ilə əvəz edilib.
Qeyd edək ki, həkimlər sosial şəbəkələrdə paylaşım edərək onlara iyul ayı üzrə müddətli əlavənin verilməməsi haqda narazılıqlarını bildirmişdilər. İcbari Tibbi Sığorta üzrə Dövlət Agentliyi ilə Nazirlər Kabinetinin qərarından sonra ödənişlərin həyata keçiriləcəyini açıqlamışdı.
Xəbərdən istifadə edərkən istinad etmək vacibdir.
