Bəzi insanların koronovirusu heç bir simptom olmadan keçirdiyi artıq hamıya məlumdur. Odur ki, çoxları virusa yoluxduğunu bilmir.
Xeberle.com Rusiya mətbuatına istinadən xəbər verir ki, biofizik Nelli Sosedova bu halda hansı təzahürlərə diqqət yetirilməli olduğunu söyləyib. Ekspertin sözlərin görə, xəstəliyin əlamətlərindən biri iybilmə və dadbilmə duyğusunun itməsidir.
"Bu simptom koronavirusu asimptomatik və ya çox yüngül formada daşıyan xəstələrdə müşahidə olunur. Əgər ətrafınızda kimsə virusa yoluxubsa, ehtiyatlı olun, ilkin mərhələdə virus tapmaq ehtimalı yüksəkdir. Antikorlar üçün sürətli bir test də edə bilərsiniz - immunokromatoqrafik. Onu ev şəraitində də etmək olar, bu test koronavirusa qarşı immunitetin olub-olmadığını göstərir. Antikorların olması xəstəliyi asimptomatik keçirdiyinizi ifadə edir.
Koronavirus diaqnozunun başqa bir effektiv yolu kompüter tomoqrafiyasıdır. Onun köməyi ilə ağciyərlərdə hansı dəyişikliklərin baş verdiyini anlaya bilərsiniz. Eyni zamanda xəstəlik heç bir şəkildə özünü göstərməsə də, gizli şəkildə inkişaf edə bilər. Sətəlcəm həmişə öskürək və burun axıntısı ilə özünü göstərmir. Elə insanlar var ki, hərarətsiz sətəlcəm olur”.
Xəbərdən istifadə edərkən istinad etmək vacibdir.
