Bu barədə Xeberle.com-a Sumqayıt şəhər Səhiyyə Şöbəsindən məlumat veriblər. Bildirilib ki. 65 yaşdan yuxarı şəxslərin vaksinasiyasına fevralın 8-dən başlanılıb. Bu gündən isə 50 yaşdan yuxarı vətəndaşların peyvənd olunması prosesinə start verilib.

Sözügedən şəxslər https://randevu.its.gov.az/ saytına daxil olaraq, "COVID-19 vaksin randevu” elektron xidmətindən istifadə etməklə koronavirus xəstəliyi əleyhinə vaksinasiya üçün onlayn qaydada növbə götürərək qeydiyyatda olduqları poliklinikalara yaxınlaşırlar.

Qeyd edək ki, "COVID-19 vaksin randevu” elektron xidmətində vətəndaş ilk olaraq şəxsiyyət vəsiqəsinin seriya nömrəsini və FİN kodunu daxil edib "Yoxla” düyməsinə basmalıdır. Bundan sonra, vətəndaş təqdim olunan siyahıdan peyvənd məntəqəsini, randevu tarixini və saatını seçib, mobil nömrəsini daxil etməlidir. Qeydiyyat başa çatdıqdan sonra daxil edilən mobil nömrəyə növbənin qeydə alınması ilə bağlı mesaj göndərilir. Mesajda birinci dozanın vurulacağı tarix, saat və məkan qeyd edilir.

Xədicə Səxavətqızı

Xeberle.com