Bu barədə Xeberle.com-a R. Zərbəliyeva deyib. Onun sözlərinə görə, qızı 1982-ci il təvəllüdlü Hənifə Zərbəliyeva ürəyində yaranan problemlərlə bağlı Sumqayıt Təcili Tibbi Yardım Xəstəxanasına gətirilib. Şikayətçi deyir ki, övladının 4 nömrəli şəhər xəstəxanasında (Bərpa müalicə xəstəxanası) müalicəsini davam etdirmək üçün qeydiyyatda olduğu poliklinikadan göndəriş ala bilmir. R. Zərbəliyeva 1 nömrəli şəhər poliklinikasında get-gələ salındığını iddia edir. O, həmçinin qeyd edir k, Sumqayıt şəhər Səhiyyə Şöbəsinə müraciətindən sonra belə sözügedən poliklinikadan göndəriş almaq mümkün olmayıb.

Sumqayıt Səhiyyə Şöbəsində isə R. Zərbəliyevanın iddialarını əsassız hesab edirlər.

Qurumdan Xeberle.com-a bildirib ki, şikayətçinin problemi ilə bağlı araşdırma aparılıb və bütün lazımi tədbirlər həyata keçirilib: "Üzərimizə düşən bütün məsələlərlə bağlı yardım göstərilib. Lazımı göndəriş də təqdim olunub. Həmin şəxsin belə bir iddia ilə çıxış etməsi anlaşılan deyil”.

Xədicə Səxavətqızı

Xeberle.com