Azərbaycan vətəndaşları Avropa İttifaqının (Aİ) COVID-sertifikatını ala biləcək.
Bunun üçün sadəcə Aİ-də istifadəsinə icazə verilən peyvəndlərdən biri ilə buster doza vurdurmaq kifayətdir.
Avropa Komissiyasının nümayəndəsi Kristian Viqand qeyd edib ki, Aİ-nin COVID-sertifikatı həmişə sonuncu vurdurulan dozanı göstərir: "Bununla da, əvvəlcə Rusiya və Çin vaksinləri ilə peyvənd olunanlar və daha sonra Aİ tərəfindən tanınan istənilən peyvəndi buster doza kimi vurduran şəxslər Avropa COVID- sertifikatını istifadə edə bilər. Bu da onların Aİ-yə girişini asanlaşdıracaq”.
Viqand, həmçinin vurğulayıb ki, Avropa Komissiyası ötən gün Aİ ərazisində COVID-sertifikatlar sisteminin qüvvədə olma müddətini 30 iyun 2023-cü ilə qədər artırıb.
Qeyd edək ki, daha əvvəl Avropa Komissiyası dəfələrlə vurğulayıb ki, COVID-sertifikatlar Aİ-yə səfər etmək üçün vizaları əvəz etmir, sadəcə əlavə sanitar sənədidir.
Bu məqamda bildirək ki, Avropa İttifaqında təsdiqlənmiş vaksinlər bunlardır: "BioNTech/Pfizer”, "Moderna”, "AstraZeneca” və "Johnson & Johnson”
Xatırladaq ki, Azərbaycanda COVID-19 infeksiyası əleyhinə "CoronoVac”, "AstraZeneca”, "Sputnik V” və "Pfizer/Biontech” peyvəndlərindən istifadə edilir.(qafqazinfo.az)
Xəbərdən istifadə edərkən istinad etmək vacibdir.
