Milli Məclisə keçirilən seçkilərdə öz seçki kompaniyasını çox yüksək səviyyədə aparan deputatlığa namizədlərdən biri də 45 saylı Sumqayıt dördüncü seçki dairəsindən deputatlığa namizəd olan Səbinə Salmanovadır.
Xeberle.com xəbər verir ki, onun növbəti görüşü Sumqayıt şəhərinin xeyli tanınmış ziyalılarının üzv olduğu "Dostlar” klubunda baş tutdu.
Sumqayıt şəhərində doğulub boya-başa çatan, həm təhsil illərində, həm də olduqca məsul, yüksək vəzifələrdə çalışdığı 24 illik fəaliyyəti dövründə hər zaman böyük uğurlar qazanan Səbinə xanımı klub üzvləri böyük hərarətlə qarşıladılar. Çıxış edən, Sumqayıt şəhərinin çox nüfuzlu, görkəmli ziyalılarının əksəriyyəti Səbinə xanım barədə ətraflı məlumatlara malik olduqlarını dedilər, onunla bir istedadlı, bacarıqlı Sumqayıtlı xanım kimi fəxr etdiklərini qeyd etdilər. Ölkəmizin, Sumqayıtın qazandığı möhtəşəm uğurları qeyd edən görüş iştirakçıları eyni zaman aktual problemlər haqda danışıdılar; deputat seçiləcəyi təqdirdə Səbinə xanımın hansı məsələlərə daha çox diqqət verməsini arzu etdiklərini bildirdilər.
Səbinə xanım görüş iştirakçılarının bir çox suallarına cavab verdi və onlara belə bir səmimi görüş üçün təşəkkür etdi. Görüş çox yüksək səviyyədə keçdi.
Xəbərdən istifadə edərkən istinad etmək vacibdir.
