COVID-19 pandemiyası və digər qlobal problemlər QİÇS-lə mübarizəni təhlükə altına atır.
Xeberle.com xəbər verir ki, bu barədə Birləşmiş Millətlər Təşkilatının QİÇS-lə bağlı müvafiq strukturu məlumat yayıb.
Təşkilatın hesabatında qeyd edilib ki, İİV-ə yoluxanların sayı 2020-ci ilə nisbətən 2021-ci ildə 3,6% azalsa da, bu azalma çaşdırıcı məqamdır. Çünki son 10 ildə azalma müşahidə olunan halların sayının yenidən artmağa başladığı görünür.
BMT-nin məlumatlarına görə, 2021-ci ildə hər iki dəqiqədə bir nəfər İİV-ə yoluxub. Xüsusilə gənc qadın və qızlar arasında yoluxma hallarının artdığı vurğulanıb.
Dəqiqədə orta hesabla bir insanın həyatını itirdiyi virusa görə 2021-ci ildə 650.000 insan dünyasını dəyişib. Mövcud durum davam edərsə, 2025-ci ilə qədər ildə 1.2 milyon yeni QİÇS xəstəsinin olacağı proqnozlaşdırılır.
Xəbərdən istifadə edərkən istinad etmək vacibdir.
