2015-ci il martın 22-də Ermənistan ordusunun Dağlıq Qarabağdakı hərbi hissələrindən birində müqavilə əsasında hərbi xidmət keçən 24 yaşlı əsgəri Andranik Qriqoryan könüllü olaraq Azərbaycan tərəfinə keçdi. Əlində ağ bayraq ordumuza təslim olan hərbçi Ermənistandakı özbaşınalıqlardan və hərc-mərclikdən bezdiyi üçün bu addımı atdığını deyib. 
Bu, erməni əsgərlərinin könüllü olaraq Azərbaycan tərəfə keçdiyi ilk hadisə deyil.Ötən illər ərzində ordudakı qanunsuzluqlardan bezərək, Azərbaycana pənah gətirən erməni hərbi qulluqçuları ilə bağlı xronologiyanı təqdim edir.   

2009-cu il iyulun 15-də Ermənistan ordusunun hərbi qulluqçusu Karen Arutunyan (1990) Azərbaycanın Gədəbəy rayon ərazisində sərhəd xəttini keçərək, Milli Ordunun əsgərlərinə təslim olub. Azərbaycan mətbuatına açıqlamasında erməni əsgər addımını belə izah etmişdi.

"Mənə zabitlər dedilər ki, pul verməsən səni öldürəcəyik. Hətta zorlamağa da cəhd etdilər. Ayaqyolunu təmizləməyə məcbur etdilər. Barmağımı sındırdılar. Bundan sonra qərar verdim ki, Azərbaycana keçim. Dağlıq Qarabağa yalnız kasıb uşaqlarını göndərirlər. Bura göndərməmələri üçün 6-8 min dollar rüşvət ödəməlisən”.

2012-ci il aprelin 30-da Qırmızı Xaç Cəmiyyətinin vasitəçiliyi ilə o, Ermənistana təhvil verilib.

2009-cu il mayın 31-də Ermənistan ordusunun əsgərləri Ohan Arutunyan (1991) vəQevorq Tomasyan (1991) Goranboyun Gülüstan kəndi istiqamətində qoşunların təmas xətinin keçərək könüllü olaraq Azərbaycan tərəfinə təslim olmuşdular. Onlar xidmət etdikləri hərbi hissədə baxımsız şəraitdə qaldıqlarını və aclıqdan əziyyət çəkdiklərini bildirirdilər. 2012-ci il aprelin 30-da hər iki əsgər Ermənistana geri qaytarılıb.

2009-cu il fevralında Ermənistan ordusunun 3 hərbi qulluqçusu – Qrant Markosyan,Rafik Tevosyan və Vardan Sərkisyan könüllü olaraq Azərbaycan ordusuna təslim olmuşdular. Onlar xidmət etdikləri zaman dəfələrlə fiziki və mənəvi təzyiqlərə məruz qaldıqları üçün Ermənistana geri dönmək istəmədiklərini deyirdilər.

"Dəfələrlə böyrəklərimdəki ağrılardan şikayət eləsəm də məni işğal altındakı Dağlıq Qarabağa göndərdilər. Hər gün çirkli işlərin görülməsinə cəlb edirdilər. Yeganə xilasımı Azərbaycana qaçmaqda görürdüm”, - deyə Qrant Markosyan atdığı addımın motivlərini izah edirdi.

 2011-ci ilin martında BMT və Qırmızı Xaç Cəmiyyətinin vasitəçiliyi ilə hər 3 erməni əsgəri daimi yaşayış üçün 3-cü ölkəyə göndərilmişdilər. 

2007-ci il avqustun 4-də işğal altındakı Azərbaycan torpaqlarında xidmət keçən Ermənistan ordusunun 23 yaşlı hərbçisi Ambartsum Asatryan Azərbaycan tərəfə keçmişdi. O, Ermənistan ordusundakı dözülməz şəraitdən, zabitlərin əsgərlərdən rüşvət tələb etməsindən və hərbçilər arasındakı hərc-mərclikdən bezdiyi üçün Azərbaycan tərəfinə sığındığını bildirirdi.    

2008-ci il yanvarın 25-də Qazaxın Bala Cəfərli kəndindəki qoşunların təmas xəttində Ermənistan təhvil verilib.  (modern.az)