"Rusiyanın Çexiya və Slovakiyada yatırımları çox güclüdür”.

Bu açıqlama ilə rusiyalı müxalifətçi Harri Kasparov çıxış edib.

O, hazırda rus biznesinin burada artıq yuxarı dairələri əlinə aldığını bildirib:

"Çexiyada hökumət orqanlarının biznesmenlərlə əlaqəsi çoxdur. Bu bağlılıq məsələsinə biz ilk növbədə Çexiya prezidentini göstərə bilərik. O, açıq-aşkar "Lukoyl”un pulu hesabına hakimiyyətə gəlib və indi də Putini açıq şəkildə müdafiə edir. Çexiya, Slovakiya, Macarıstandakı bəzi siyasi liderlərin Putini dəstəkləməsi 1956 və 1968-ci illərdə Sovet tanklarının altında əzilən bu ölkələrin vətəndaşlarının xatirəsi üçün təhqirdir”.

Qeyd edək ki, hazırda Çexiya prezidenti Miloş Zemandır. O, 2013-cü ildən ölkəyə rəhbərlik edir. Bundan öncə, 1996-1998-ci illərdə parlamentin sədri, 1998-2002-ci illərdə isə baş nazir postunu tutub.  (axar.az)