Azərbaycanda özlərini "demokrat” elan edənlərin mahiyyət etibarilə antidemokrat, alternativ fikrə qarşı dözümsüz olduqları hər kəsə gün kimi bəllidir. Əgər belə olmasaydı radikal müxalifət partiyaları daxilində ciddi fikir ayrılığı, qarşılıqlı ittihamlar baş verməz, ard-arda istefalar yaşanmazdı. Eyni mənzərə Əli Kərimlinin diktatorsayağı idarə etdiyi AXCP-də də müşahidə olunur. Bu partiyada Ə.Kərimlidən fərqli düşünən, onun sözünün üstünə söz deyən, əks arqumentlə çıxış edən hər kəs dərhal hədəfə alınır, cəbhəçilərdən ibarət söyüş batalyonunun mənəvi terroruna məruz qalır, satqın, xəyanətkar adlandırılır. Ona görə də zamanla keçmiş silahdaşları AXCP sədrini tərk edirlər.

 

Bu bir həqiqətdir ki, Əli Kərimlinin yarıtmaz idarəçiliyi, antimilli fəaliyyəti AXCP-ni bir partiya kimi məhv olmaq təhlükəsi ilə baş-başa qoyub. 

Son dövrlərdə AXCP-də bəzi üzvlərin təhqir edilməsi, hətta döydürülməsi, Ə.Kərimliyə yaxın qruplaşmanın "sözünə baxmayan” gənclərin partiyadan qovulması mütəmadi hal almışdı. Bu kimi halların artması isə sonda AXCP üzvü olan gənclərin kütləvi şəkildə Ə.Kərimlidən imtina etməsinə yol açıb.

Bəli, göründüyü kimi, Ə.Kərimlinin illərdir ki, öz şəxsi biznesi kimi idarə etdiyi AXCP-nin üzvləri artıq ona müti şəkildə tabe olmaq niyyətində deyillər. Və barmaqla sayılacaq qədər üzvü olan Ə.Kərimliyə aid AXCP-də bir kimsənin qalmayacağını artıq indidən proqnozlaşdırmaq mümkündür. Ə.Kərimli komandasına etimadsızlıq göstərməsi bir daha sübut edir ki, AXCP yaxın günlərdə yenidən parçalanma mərhələsinə qədəm qoyacaq...

Əli Kərimlini ciddi partiya sədri hesab etmək olmaz. Belə olmasaydı, onu bu qədər adam tərk etməzdi. Yerdə qalanların da yaxın dönəmlərdə Əli Kərimlidən uzaqlaşacağı gözləniləndir. Əli Kərimlidə Əbülfəz Elçibəydən qalan yalnız quru möhürdür.