Kəlbəcərli girovların azad olunması ilə bağlı bir çox qurumlar müəyyən fikirlər söyləsələr də ortada heç bir nəticə hasil olmur. Bir çox beynəlxalq qurumlar da girovların qaytarılmasının zəruriliyini vurğulayırlar. Bu günlərdə Şahbaz Quliyev ödndən əməliyyat olunub. Bu isə onların durumlarının heç də normal olmadığını göstərir. Azərbaycan hökumətinin isə təşəbbüsləri hələ ki, bir nəticə vermir
Vəkil Əsabəli Mustafayev fikirlərini bölüşərkən deyib ki, girovların qaytarılması şansı bitməyib: "Kəlbəcərdə girov götürülənələrlə bağlı ombudsman Avropa Məhkəməsinə müraciət edib. Amma bu müraciətin hansı formada hazırlanması haqqında məlumatlı deyiləm. Əslində bu müraciət formasında deyil, şikayət formasında olmalı idi. Əgər bu sənədi Avropa Məhkəməsi sahəsində ixtisaslaşmış mütəxəssis hazırlayıbsa, onda bu sənəd müəyyən nəticə verə bilər. Məsələ ondadır ki, Dağlıq Qarabağ bir qurum kimi heç yerdə tanınmır. Belə bir rəsmi qurum yoxdur. Ona görə də onun yaratdığı məhkəmələrin keçirtdiyi proseslər qeyri-legitimdir. Avropa Məhkəməsində bununla bağlı uğur qazanmaqda böyük şans var. Çünki, Avropa Məhkəməsi konvensiyanın 6-ci maddəsi tələb edilir ki, işə qanuni surətdə yaradılmış məhkəmə tərəfindən baxılmalıdır. Dağlıq Qarabağda isə yalnız Azərbaycan dövləti məhkəmə sistemi yarada bilər Bu məhkəmə isə daha çox erməni tərəfinin yaratdığı bir məhkəmədir. Bu baxımdan Avropa Məhkəməsi qanuni şəkildə yaradılmayan məhkəmənin hökmünü mütləq qanunsuz sayacaq. Eyni zamanda insan hüquqlarının pozuntusu kimi qəbul edəcək. Digər tərəfdən reqlamentin 39-ci maddəsi ilə tələb etmək olar ki, ilkin tədbir kimi girovlar Azərbaycana qaytarılsın. Əgər hökumət maraqlı olsa, Avropa Məhkəməsi sahəsində işləyən mütəxəssisləri cəlb etsə Avropa Məhkəməsi səlahiyyətində bunu müsbət həll edə bilər”. (Deyerler.org)
Xəbərdən istifadə edərkən istinad etmək vacibdir.
