İrəvanla Bakı arasında bütün ərazi mübahisələri Ermənistan-Azərbaycan sərhədinin demarkasiyası üzrə ikitərəfli komissiya çərçivəsində siyasi-diplomatik üsullarla həll edilməlidir.
Xeberle.com məlumat verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə bildirib.
"Biz bu prosesə hər cür dəstək verməyə hazırıq. Hesab edirəm ki, Rusiya-Ermənistan-Azərbaycan üçtərəfli mexanizmlərinin ritmik işini bərpa etməyin vaxtı çoxdan çatıb. Biz tərəfdaşları siyasi iradə nümayiş etdirməyə, effektivliyini sübut edən üçtərəfli formatda əlaqələri bərpa etməyə çağırırıq", - deyə o qeyd edib.
Zaxarovanın sözlərinə görə, Aİ və ABŞ bir tərəfdən güzəştlər çıxarır, digər tərəfdən təhdid edir, Rusiya Federasiyası isə həmişə kompleks, kompromis həll yollarının tərəfdarıdır.
Xəbərdən istifadə edərkən istinad etmək vacibdir.
