"Rusiya Federasiyasının Prezidenti Vladimir Putinin Azərbaycana səfəri ikitərəfli əlaqələrin yüksək səviyyədə olmasının göstəricisidir. Bu səfər tarixi bir məqam kimi, iki ölkə arasındakı dostluq və müttəfiqlik əlaqələrinin möhkəmləndirilməsinə yönəlmişdir. Rusiya və Azərbaycan arasındakı davamlı görüşlər ikitərəfli münasibətlərin sabit və müntəzəm inkişafını təmin edir. Xüsusilə ticarət dövriyyəsinin artımı və humanitar sahədəki əməkdaşlıq, münasibətlərin nə qədər dinamik olduğunu göstərir."
Xeberle.com xəbər verir ki, bu barədə Milli Məclisin deputatı Müşfiq Məmmədli deyib. Onun sözlərinə görə, səfər zamanı imzalanan sənədlər iki ölkə arasındakı əməkdaşlığın müxtəlif sahələrdə, o cümlədən ekologiya, təhsil, səhiyyə və ticarət kimi sektorlarda genişləndirilməsi üçün güclü bir təməl yaradır. Regional təhlükəsizlik və nəqliyyat dəhlizlərinin inkişafı da səfərin əsas müzakirə mövzularından biri olub: "Azərbaycanın ərazi bütövlüyünün bərpası ilə yaranan yeni şərait Cənubi Qafqazda sülh və sabitliyin təmin olunması üçün yeni imkanlar yaradır. Nəqliyyat və energetika sahəsində birgə layihələr iki ölkə arasındakı iqtisadi əlaqələri daha da möhkəmləndirəcəkdir. Həmçinin, qarşılıqlı səyahətlərin artımı və insan əlaqələrinin güclənməsi, münasibətlərin dərinliyini göstərən əsas amillərdən biridir. Rusiya Federasiyasının COP29 iqlim konfransında Azərbaycanın namizədliyini dəstəkləməsi isə ikitərəfli münasibətlərin strateji əhəmiyyətini göstərir."
Xəbərdən istifadə edərkən istinad etmək vacibdir.
