Türkiyənin İzmir şəhərində Azərbaycan Qardaşlıq və İşbirliyi Dərnəyi 28 May Azərbaycan Cümhuriyyətinin 97-ci ildönümünü qeyd etdi. Sözügedən tədbir İsmət İnenü adına Kültür Mərkəzində davam etdi. AKİDER başqanı Asif Qurban gələn qonaqlara bu günün əhəmiyyətiylə bağlı ətraflı məlumat verərək, cümhuriyyətimizin yaranması, sonradan dövlətimiz süquta uğrasa da, aradan 70 il sonra yenidən bayrağımızın göylərə yüksəldilməsini, hazırda da o bayrağın əmin əllərdə olduğunu xüsusi ilə vurğuladı. Və müstəqil Azərbaycan vətəndaşı olmağın böyük şərəf, qürur verməsini xüsusi ilə qeyd etdi. 

Tədbirdə İzmir Şeher Merinintəmsilcisi, Muzaffer Tunçağ, İzmir Vekiller Kollegiyası Sedri Aydın Özcan

Xaricdeki Türkler ve Eqraba Cemiyyetler Komitesi İzmir Sedri Fırat Yaldız, müxtəlif siyasi partiyalar və qeyri-hökümət təşkilatlarının sədrləri də iştirak edirdilər. Bundan başqa toplantıda İzmirdə yaşayan azərbaycanlı ailələrlə yanaşı, bu şəhərdə təhsil alan həmvətənlərimiz və İzmir şəhər sakinləri iştirak edirdilər. 

Tədbirin sonunda Güney Azərbaycandan gəlmiş Barış qurupunun və Elgün Quliyevin səsləndirdiyi mahnılarla bayram gecəsi daha da şənləndirildi.

Xeberle.com