"Türkiyə, Səudiyyə Ərəbistanı və ABŞ koalisiyası qırılmadıqca Çin, Rusiya maraqları təhlükə altında qalacaq”. Bu açıqlama ilə politoloq Orxan Qafarlı öz Feysbuk səhifəsində çıxış edib.   Onun sözlərinə görə, yaxın zamanlarda Qarabağla bağlı önəmli proseslər yaşana bilər   "Yaxın Şərq və keçmiş sovet ölkələrindəki iki önəmli hadisəyə diqqət etmək lazımdır. Birincisi İran, İraq, Suriya və Yəməndə yaşanan gərginliklər ucbatından diplomatiya yolu ilə Qərbin qurmuş olduğu antiterror koalisiyasının yararlı olmadığı haqqında çağırış edildi. Bundan başqa, onun Tehran, Moskva və Pekinin maraqlarına təhdid olduğu deyildi. Həmçinin Türkiyə, Səudiyyə Ərəbistanı və ABŞ koalisiyası qırılmadıqca Çin, Rusiya maraqları təhlükə altında qalacaq. İkincisi isə, Azərbaycan Avrasiya İqtisadi Birliyinə hansı şərtlər daxilində girəcəyini Rusiyaya açıq şəkildə bildirmiş oldu. Belə ki, Avropa Birliyinin Şərq Tərəfdaşlığı proqramına qatılmaması və yaxın gələcəkdə də bununla bağlı niyyətinin olmaması Bakı tərəfindən ifadə edildi. Əgər Rusiya belə bir razılığa getsə, yaxın zamanlarda Dağlıq Qarabağla bağlı önəmli gözləntilər ola bilər”.  (axar.az)