Erməni mətbuatı Ukraynadakı səfirinin bütün fırıldaqlarının üstünü açsa da, hələ onunla bağlı heç bir tədbir görülmür və bu, diqqət çəkməyə bilməz.
Bu barədə ermənişünas İsmayıl Tanrıverdi yazıb. Ekspert erməni səfirlə bağlı maraqlı faktları bölüşüb:   "Sərkisyan ən nüfuzlu avtoritetlərindən sayılan Manukyanı uzaqlaşdırmağın çıxış yolunu Ukraynaya səfir göndərməkdə gördü. Beləliklə, Manukyan 2010-cu ildən Ermənistanın Ukraynadakı səfiridir. Bu müddət ərzində də onun barəsində heç də xoş xəbərlər eşidilməyib. Keçən ay, iyunun 19-da Kiyevdə erməni icmasının başçısı seçilərkən, 400 nəfər nümayəndədən 300-ü ona yox, başqa bir erməniyə - Norayr Qrikoryana səs verdi. Bundan narahat olmağa başlayan, lakin özünü sındırmayan Manukyan bunun Ukraynadakı azərbaycanlılar tərəfindən təşkil olunduğunu bildirmişdi. "Mənim üçün azərbaycanlıların lobbiçilik fəaliyyətinə qarşı mübarizə aparmaq çox asandır. Çox təəssüf ki, onlar bu məqsədlə bəzi ermənilərdən də istifadə edir, özlərini erməni kimi qələmə verərək, erməni KİV-ləri ilə əlaqə yaradaraq erməni icması ilə münasibətlərimi pozmağa çalışırlar” kimi fikirlər də ona məxsusdur.   Ancaq çox keçmədi ki, fırıldaqçı səfirin bütün bu uydurmaları ortaya çıxdı.  Məlum oldu ki, Manukyan səfir vəzifəsində çalışandan indiyə qədər cinayətkar dəstələrlə əlbir olub, onların toxunulmazlığını təmin etmək məqsədilə həmin dəstələri səfirliyin saxtalaşdırılmış diplomatik maşın nömrələri ilə təmin edirmiş. Maraqlıdır, bütün bu faktların erməni mətbuatında yer almasına rəğmən Ukrayna Daxili İşlər Nazirliyi və Ermənistan hakimiyyət orqanlarının səfirlə bağlı tədbirlər görməməsi diqqət çəkir”.   (axar.az)