1 noyabrda keçiriləcək parlament seçkilərində iştirak edəcək deputatlığa namizədlərin qeydə alınması ötən gün başa çatdı.

Mərkəzi Seçki Komissiyasının (MSK) məlumatına görə, 1190 nəfərin deputatlığa namizədliyi qeydə alınıb.Seçki dairələri üzrə 170-dən artıq qadın namizəd də deputatlığa iddia edir. Onlar arasında tanınmış simalar da var, sıradan biri olanlar da...

Bəs görəsən Sumqayıtdan deputatlığa iddia edən qadın namizədlər kimlərdir?

41 saylı Sumqayıt birinci seçki dairəsindən Ümid Partiyasının Gender bərabərliyi söbəsinin müdiri Həcər Abbaslı və Sumqayıt şəhər Uşaq xəstəxanasının pedatrı Minurə Allahverdiyeva seçki marafonuna qoşulub və deputat olmaq arzusundadırlar.

41 saylı dairəyə nisbətən 42 saylı Sumqayıt ikinci seçki dairəsindən seçki marafonuna 4 qadın namizəd qatılıb. Sumqayıt şəhər "Dostluq” Mədəniyyət evinin Xalq kollektivinin baletmeysteri Zülfiyyə Hüseynova, Sumqayıt şəhər Səməd Vurğun adına Mərkəzi kitabxananın şöbə müdiri Təranə Mirzəyeva, Demokratik İslahatlar Partiyasının Qadınlar şöbəsinin müdiri Nərmin Şamilova və Sumqayıt şəhər Xətai adına 30 saylı məktəbin müəllimi Kəmalə Səfərli deputat seçilmək istəyir.

43 saylı Sumqayıt üçüncü seçki dairəsinə gəldikdə isə Sumqayıt şəhər 35 saylı orta məktəbin Təşkilati işlər üzrə director müavini Xəyalə Əhmədova, Sumqayıt şəhər 1 saylı Uşaq poliklinikasının həkimi Nəzakət İsmayılova deputat mandatı uğrunda mübarizə aparacaq.

Nəhayət 44 saylı Sumqayıt-Xızı dairəsinə nəzər salaq. Burada isə yalnız kişilər mübarizə aparacaq.

Xeberle.com